اللہ تعالیٰ کے ساتھ بالمشافہ گفتگو

حضرت عدی بن حاتم رضی اللہ عنہ کا بیان ہے کہ جناب رسول اللہ صلی اللہ علیہ وسلم نے فرمایا:جلد ہی تم میں سے ہر ایک کے ساتھ اللہ تعالیٰ بغیر کسی ترجمان کے بالمشافہ گفتگو فرمائے گا۔ اس وقت بندہ اپنے دائیں بائیں دیکھے گا اور اسے اپنے دونوں طرف وہی سب کچھ نظر آئے گا جو وہ اپنے آگے روانہ کر چکا ہو گا۔ (وہ تمام اعمال جو وہ دنیا میں کرتا رہا انہیں وہاں موجود پائے گا اور سامنے کی طرف جب وہ دیکھے گا تو جہنم کو اپنے سامنے ہی پائے گا تو تم جہنم سے بچنے کا سامان کرلو۔ چاہے وہ ایک کھجور کے ٹکڑے ہی سے ہو۔ ( یعنی معمولی درجے کا صدقہ و خیرات ہی کیوں نہ ہو۔ ( صحیح بخاری و صحیح مسلم)