دال پراٹھا-Dal Paratha Recipe

اجزاء: مونگ کی دال، ایک کپ، گھی ایک چائے کا چمچ، لونگ دو عدد، کالی مرچ 4 عدد، زیرہ، آدھا چائے کا چمچ، ہلدی پائوڈر آدھا چائے کا چمچ، سرخ مرچ پائوڈر ایک چائے کا چمچ، پانی ایک کپ۔ پراٹھے کیلئے: آٹا ایک کپ، نمک ایک چائے کا چمچ، کلونجی آدھا چائے کا چمچ، اجوائن، آدھا چائے کا چمچ، گھی، ایک چائے کا چمچ، آدھا کپ پانی۔

ترکیب: دُھلی مونگ کی دال کو ایک گھنٹے کے لئے بھگو دیں۔ پریشر کوکر میں گھی ڈالیں۔ ساتھ ہی لونگ، کالی مرچ اور زیرہ ڈالیں۔ تھوڑی دیر بعد اس میں بھیگی ہوئی مونگ کی دال ڈالیں، ساتھ ہی نمک، ہلدی پائوڈر اور سرخ مرچ پائوڈر ڈالیں، درمیانی آنچ پر پکائیں۔ اب اس میں پانی ڈالیں اور پریشر کوکر کو ایک سیٹی تک پکائیں، چیک کریں، اگر دال گل جائے تو نکال لیں اور اسے ٹھنڈا ہونے دیں۔

پراٹھا بنانے کیلئے ایک کلو آٹے کو بائول میں نکالیں، اس میں نمک، کلونجی، اجوائن، گھی اور پانی ڈالیں، اچھی طرح گوندھ لیں۔ اس آٹے کو ایک گھنٹے کیلئے رکھ دیں۔ اس کے بعد اس کے پیڑے بنالیں، روٹی بیل لیں، اس کے درمیان میں دال والا مکسچر ایک چمچ ڈالیں، پھر اس کا پیڑا بنائیں، دوبارہ پراٹھے کو بیل لیں۔

نان اسٹک فرائنگ پین میں تھوڑا سا گھی ڈالیں اور اس میں پراٹھا ڈال کر سنہرا ہونے تک پکائیں۔ دونوں طرف سے سنہرا ہوجائے تو نکال لیں۔ اسی طرح تمام پراٹھے تیار کرلیں۔