قصوری فرائیڈ فش-Qasoori Fried Fish

اجزاء: فش ایک کلو، بیسن ایک کپ، انڈا ایک عدد، سرخ مرچ پاؤڈر 1½چائے کا چمچ، سفید زیرہ ایک چائے کا چمچ، گرم مصالحہ پاؤڈر ½چائے کا چمچ، چاٹ مصالحہ ایک چائے کا چمچ، اجوائن ایک کھانے کا چمچہ، سویا سوس 2کھانے کے چمچے، ادرک لہسن کا پیسٹ 2کھانے کے چمچے، لیموں کارس 3کھانے کے چمچے، نمک حسبِ ذائقہ، آئل فرائنگ کے لئے۔

ترکیب: فش کو اچھی طرح دھو کر پیپر ٹاول پر خشک کرلیں۔ اب فش پر لہسن ادرک پیسٹ نمک، ایک چمچ سرخ مرچ پاؤڈر، اجوائن، لیموں کا رس ، سویا سوس اور دو کھانے کے چمچ بیسن لگا کر 4-5 گھنٹے کے لئے رکھ دیں۔ بقیہ بیسن میں انڈا، نمک، بقیہ سرخ مرچ، گرم مصالحہ پاؤڈر، چاٹ مصالحہ اور تھوڑا سا پانی شامل کرکے بیٹر پر تیار کرلیں۔ فش کو بیٹر میں ڈپ کرکے تیز گرم آئل میں ڈیپ فرائی کریں۔ گرم گرم سرو کریں۔