سَمتِ قبلہ کا تعین ہونے کے باوجود صفیں درست نہ بنانے کا شرعی حکم
- 28 مارچ ، 2024
- Web Desk
- شرعی مسائل کا حل

تفہیم المسائل
سوال: ہماری مسجد میں قبلہ رخ کا ٹھیک ٹھیک تعین کرکے صفوں کے نشان لگائے گئے تھے، لیکن موجودہ امام صاحب کے حکم پر مسجد کے اس حصے میں جہاں صفوں کے نشان نہیں لگائے گئے ، جمعہ وعیدین کی نماز کے لیے قبلہ رخ سے قدرے ہٹ کر صفیں بنائی جاتی ہیں ۔ نماز جنازہ کے لیے بھی صفوں کی درستی کا خیال نہیں رکھتے ،اُن کا کہنا ہے :’’ تھوڑے فرق سے کچھ نہیں ہوتا‘‘۔ سوال یہ ہے کہ کسی مجبوری کے بغیر قبلہ رخ کا اہتمام کیے بغیر نماز ادا کرنا جائز ہے؟ (محمد یونس علوی ، کراچی)
جواب: استقبالِ قبلہ یعنی نماز میں قبلہ کی طرف منہ ہونا شرائطِ نماز میں سے ہے ، سمتِ قبلہ کی تعیین کے بعد ضروری ہے کہ درست سمت میں نماز ادا کریں اور سمتِ قبلہ سے معمولی سا بھی انحراف نہ کریں ۔جہتِ کعبہ کی طرف منہ ہونے کا معنی یہ ہے کہ منہ کی سطح کا کوئی جز کعبہ کی سَمت میں واقع ہو ،تو اگر قبلہ سے کچھ انحراف ہے ،مگر منہ کاکوئی جز کعبہ کے مواجہہ میں ہے ، نماز ہوجائے گی ، اس کی زیادہ سے زیادہ مقدار45درجہ رکھی گئی ہے ،اگر 45درجے سے زیادہ انحراف ہے ، استقبالِ قبلہ نہیں ہوا اور نماز نہ ہوئی ۔ علامہ ابن عابدین شامی لکھتے ہیں:ترجمہ:’’ (نماز کے دوران)کسی عذر کے بغیر(سَمتِ قبلہ سے) سینہ پھیرنے سے نماز فاسد ہوجاتی ہے ، اس سے معلوم ہواکہ تھوڑا سا انحراف نقصان دہ نہیںاوروہ یہ ہے کہ اس کے ساتھ چہرہ یا چہرے کی جوانب میں سے کچھ عینِ کعبہ یا اس کی ہوا کے سامنے رہے ،اس طرح کہ چہرہ سے یا اس کی بعض اطراف سے خط نکلے ،تووہ سیدھا عین کعبہ یا اس کی ہوا کے اوپر سے گزرے اور لازم نہیں کہ نکلنے والا خط سیدھا مصلّی کی پیشانی سے نکلنے والا ہو بلکہ اس کی جوانب سے نکلے جیساکہ اس پر ’’الدُّرر‘‘ کا قول ’’مِنْ جبِیْنِ الْمُصَلِّی‘‘ دلالت کرتا ہے، کیوںکہ جبین پیشانی کے کنارے کو کہتے ہیں اوریہ دو جبینیں ہیں ، (حاشیہ ابن عابدین شامی،جلد3)‘‘۔
دور حاضر میں جدید آلات اور پیمائش کے جدید پیمانوں کی مدد سے قبلے کی ٹھیک ٹھیک سَمت معلوم کرنا نہایت آسان ہو گیا ہے، بلکہ ایسے سافٹ ویر دستیاب ہیں ، جن کے ذریعے کہیں بھی کسی بھی وقت قبلے کی درست سمت معلوم کی جاسکتی ہے ۔مساجد میں محرابیں سَمتِ قبلہ کا تعین کر کے بنائی جاتی ہیں، اس کو دیکھ کر صفیں درست بنانی چاہئیں اور مسجدوں اور محرابوں کا اعتبار کیاجائے گا۔امام اہلسنّت امام احمد رضاقادریؒ لکھتے ہیں:’’ شارح امام زیلعی نے فرمایا: محاریب کے ہوتے ہوئے اجتہاد اورغور وفکر کی ضرورت نہیں ‘‘۔حِلیۃ میں ہے : ترجمہ:’’ نمازی کے لیے محراب عین کعبہ کی طرح ہے، اسی لیے کسی شخص کو رَوا نہیں کہ وہ محاریب میں اجتہاد یا غوروفکر کرے ،(فتاویٰ رضویہ ،جلد6، ص:70) ‘‘۔
صدرالشریعہ علامہ امجد علی اعظمی ؒ ’’ردالمحتار ‘‘ کے حوالے سے لکھتے ہیں: ’’اگر مسجدیں اور محرابیں وہاں ہیں ، مگر اُن کا اعتبار نہ کیا ،بلکہ اپنی رائے سے ایک طرف کو متوجہ ہولیا یا تارے موجود ہیں اور اس کو علم ہے کہ ان کے ذریعے معلوم کرلے اورنہ کیا بلکہ سوچ کر نمازپڑھ لی ، دونوں صورتوں میں نماز نہ ہوئی ، اگر خلافِ جہت کی طرف پڑھی،(بہارِ شریعت ، جلد اول)‘‘۔آپ کی مسجد میں قبلے کی درست سَمت کا تعین ہونے کے باوجود امام صاحب کا قبلے سے ہٹ کر صفیں بنوانا درست نہیں ، زیادہ سے زیادہ 45درجے تک انحراف کے ہوتے ہوئے نماز کے جواز کی گنجائش تب ہے ، جب سَمتِ قبلہ مُتعین نہ ہو ،جبکہ آپ کے بیان کے مطابق آپ کی مسجد میں سَمتِ قبلہ کا تعین کرکے صفوں کے نشانات لگائے گئے ہیں ، پس امام صاحب کا یہ قول درست نہیں کہ ’’تھوڑے فرق سے کچھ نہیں ہوتا ‘‘۔
فقہائے کرام نے جو سَمتِ قبلہ سے معمولی انحراف کے باوجود نماز کے جواز کی بات کی ہے ، وہ اس پر محمول ہے کہ سَمتِ قبلہ مُتعین نہیں ہے اورکوئی تحرّی کرکے ایک جانب نماز پڑھتا ہے ، جس کی بابت بعد میںمعلوم ہوتا ہے کہ سَمتِ قبلہ سے قدرے انحراف تھا ،تو نماز جائز ہوجاتی ہے ، اس کا یہ مطلب ہرگز نہیں لینا چاہیے کہ سَمتِ قبلہ کا تعین ہوچکا ہے اور پھر جان بوجھ کر اس سے انحراف کیاجائے، پس امام صاحب کو فقہی جزئیات کی غلط تعبیر کے بجائے مُتعین سَمتِ قبلہ پر نماز پڑھانے کا التزام کرنا چاہیے ۔
شرعی مسائل کا حل
ابتدائے رمضان میں صدقۂ فطر ادا کرنا
- 02 اپریل ، 2025
سوال: اگر کوئی شخص شروع رمضان میں صدقۂ فطر ادا کر دے تو کیا صدقۂ فطر ادا ہو جائے گا؟جواب: صدقۂ فطر عید سے پہلے رمضان میں...
کیا عیدی تقسیم کرنا درست عمل ہے؟
- 01 اپریل ، 2025
سوال :۔ عید کے دن لوگ ایک دوسرے کو پیسوں کی شکل میں عیدی تقسیم کرتے ہیں۔ کیا یہ عیدی تقسیم کرنا درست ہے؟ کیا قرآن و حدیث...
کیا عید کے دن عید مبارک کہنا ٹھیک ہے؟
- 31 مارچ ، 2025
سوال: لوگ عید ملتے وقت ایک دوسرے کو’’ عید مبارک‘‘ کہتے ہیں، اس طرح کہنا کیسا ہے ؟جواب: عیدین کے دن ’’تقبّل اللہ منّا...
حرمین میں تراویح اور وتر کا حکم
- 30 مارچ ، 2025
سوال: حرمین شریفین میں رمضان المبارک میں نماز تراویح اور نماز وتر پڑھنے کا کیا حکم کیا ہے؟ حرمین شریفین میں تراویح 10...
بچوں کے نام خریدی گئی زمین پر زکوٰۃ کون ادا کرے گا؟
- 29 مارچ ، 2025
سوال:۔ میں نے بچوں کےنام کچھ زمین خریدی ہے۔ اب اس کی زکوٰۃ کا کیا حکم ہے؟ بچے زکوٰۃ دیں گے یا میں دوں گا؟جواب:۔ جن بچوں کے...
اپنے والدین کو صدقۂ فطر دینے کا حکم
- 29 مارچ ، 2025
سوال: صدقہ فطر اپنے والدین کو دے سکتے ہيں یا نہیں؟جواب: صدقہ فطر اور دیگر صدقاتِ واجبہ یعنی زکوٰۃ، فدیہ، کفارات اپنے...
رمضان کا روزہ عذر کے بغیر چھوڑ دینا
- 28 مارچ ، 2025
سوال: یہ تو ہمیں معلوم ہے کہ اگر کسی نے رمضان کا روزہ رکھ لیا اور پھر عذرِ شرعی کے بغیر اُسے توڑ دیا، تو اُس پر کفارہ لازم...
کیا مرحوم والدین کی طرف سے صدقۃ الفطر ادا کرسکتے ہیں؟
- 28 مارچ ، 2025
سوال: کیا مرحوم والدین کی طرف سے صدقۃ الفطر ادا کرنا جائز ہے؟جواب: صدقہ فطر صرف زندہ لوگوں پر واجب ہوتا ہے، مرحومین پر...
کیا قرآن مجید میں اسباق پر تاریخ ڈالنا یا غلطی کا نشان لگا سکتے ہیں؟
- 27 مارچ ، 2025
سوال: قرآن مجید میں لکھنا، غلطی کا نشان لگانا، تاریخ لکھنا جائز ہے یا نہیں؟جواب: قرآن مجید میں بلا ضرورت کچھ لکھنا، یا...
قرآنی آیات کی پوسٹیں بنا کر لوگوں کو ارسال کرنا کیا جائز ہے؟
- 26 مارچ ، 2025
سوال: قرآن شریف کی تلاوت کرنا زیادہ افضل ہے یا قرآن شریف کی آیات کی پوسٹس بنا کر مختلف گروپس میں اس نیت سے شیئرکرنا کہ...
چندہ جس مقصد کے لیے جمع کیا گیا ہو، اسے دوسرے مصارف پر خرچ کرنا
- 25 مارچ ، 2025
سوال: کیا فر ما تے ہیں علمائے کرام اس مسئلے کے بار ے میں کہ ستائیسویں شب کو ختم قرآ ن کے سلسلے میں چندہ جمع کیا گیا اور اس...
تعمیر نو کیلئے مسجد شہید کردی جس کی وجہ سے وہاں اعتکاف نہ ہوسکا ....
- 24 مارچ ، 2025
سوال: ہم نے تعمیر نو کے لئے اپنی مسجد شہید کردی تھی، جس کی وجہ سے رمضان میں مسجد میں کوئی شخص اعتکاف نہ کرسکا۔ کیا اس کا...
سجدۂ سہو کیوں کیا جاتا ہے؟
- 23 مارچ ، 2025
سوال: ۔ سجدۂ سہو کیوں کیا جاتا ہے؟ نیز اس کا طریقہ بھی بتا دیں اوراگر نماز میں کچھ بھول جائیں تو کیا سجدۂ سہو ضروری ہے؟...
سنّت اعتکاف کی قضا کا حکم
- 22 مارچ ، 2025
سوال: اگر رمضان کےآخری عشرے کا اعتکاف فاسد ہوجائے تو اس کی قضا کا کیا حکم اور طریقہ ہے؟جواب: مسنون اعتکاف ٹوٹ جائے تو جس...
تراویح کی شرعی حیثیت
- 21 مارچ ، 2025
سوال: تراویح کی شرعی حیثیت کیا ہے؟ کیا یہ واجب ہے؟ کیا یہ سنت مؤکدہ ہے یا غیرمؤکدہ ہے؟ کیا یہ فرض علیٰ الکفایہ ہے؟ فرض...
جن اعذار میں روزہ نہ رکھنا یا توڑنا جائز ہو جاتا ہے
- 21 مارچ ، 2025
سوال: روزہ توڑنا کس حالت میں فرض اور واجب ہے اور کس حالت میں جائز ہے اور کن حالتوں میں کھانا کھانا واجب اور فرض کے درجے میں...
سحری کا افضل وقت کیا ہے ؟
- 20 مارچ ، 2025
سوال: رمضان المبارک میں سحری کس وقت کرنی چاہیے ؟جواب: سحری کھانے کا وقت صبح صادق سے پہلے پہلے کا ہے، رات کو ہی سحری کرکے...
کیا ملازمین کو زکوٰۃ کی رقم سے افطاری کروا سکتے ہیں؟
- 20 مارچ ، 2025
سوال: میں ایک فیکٹری چلاتا ہوں، وہاں درجنوں مزدور کام کرتے ہیں، رمضان کے مہینے میں دن اور رات دونوں اوقات میں فیکٹر ی کا...
کیا اعتکاف میں سگریٹ نوشی کرسکتے ہیں؟
- 19 مارچ ، 2025
سوال: اعتکاف میں سگریٹ نوشی کرنا کیسا ہے ؟جواب: معتکف کو مسجد میں سگریٹ، بیڑی وحقہ پینا جائز نہیں ہے، رسول اللہ ﷺ نے تو...
تراویح کے بعد دعا کرنا کیسا ہے ؟
- 19 مارچ ، 2025
سوال: تراویح جب مکمل ہوجاتی ہے، اس کے بعد اور وتر سے پہلے دعا کرنی چاہیے یا نہیں ؟جواب: تراویح کے مکمل ہوجانے پر اجتماعی...