مالِ زکوٰۃ سے حج کرانے کا کیا حکم ہے؟

مفتی منیب الرحمٰن

سوال: ایک شخص جو صاحبِ نصاب ہے ،ہرسال اپنی زکوٰۃ مختلف مدارس، یتیم خانوں اور فلاحی اداروں کو اداکرتاہے ۔اس کا ارادہ ہے کہ کسی مستحق ِ زکوٰۃ کو تلاش کرے ،پھراسے کچھ رقم گھر والوں کی ضروریات کے لیے دے اور اسے زکوٰۃ کی رقم سے حج پر بھیجے،کیا اس طرح اس کی زکوٰۃ اداہوجائے گی ؟ (مخدوم صدیقی ،کراچی)

جواب: اگرچہ بیک وقت ایک ہی فقیر کو زکوٰۃ کی بہت بڑی رقم دینا شرعاً پسندیدہ نہیں ہے، لیکن اگر دیدی تواداہوجائے گی ،علامہ نظام الدین رحمہ اللہ تعالیٰ لکھتے ہیں:ترجمہ:’’اورایک شخص کو (بیک وقت) دوسو درہم (یعنی مقدارِ نصاب کے برابر)یا اس سے زائد دینا مکروہ ہے ،اگر دے دیا تو جائز ہے (یعنی زکوٰۃ ادا ہوجائے گی)، ’’ہدایہ‘‘ میں اسی طرح ہے، (فتاویٰ عالمگیری ،جلد1،ص:188)‘‘۔علامہ برہان الدین علی بن ابوبکر مرغینانی نے اس پر یہ اضافہ کیاہے : ترجمہ:’’امام زفرر کے نزدیک کسی ایک مستحق کو بیک وقت اتنی رقم دینا جائز نہیں ہے (کہ وہ خود غنی اور صاحبِ نصاب ہوجائے ،عدمِ جواز کے قول کا تقاضایہ ہے کہ زکوٰۃ ادانہیں ہوگی )،(الھدایہ ،جلد2، ص:78،مکتبۃ البشریٰ)‘‘۔علامہ محمد بن محمود بابرتی نے ’’عنایہ‘‘ شرح ہدایہ میں اس پر مدلَّل اور مُفصَّل بحث کی ہے ،لیکن صاحبِ ہدایہ کا مختار قول یہی ہے کہ زکوٰۃ اداہوجائے گی ۔

زکوٰۃ وصدقات ِ واجبہ کی حکمتوں میں لوگوں کو حج اورعمرے کرانا نہیں ہے ،بلکہ مستحقین کی حاجات اصلیہ کوپوراکرنا ہے، البتہ اگر کوئی فقیر ومسکین بے گھر ہے اورکوئی صاحبِ زکوٰۃ مکان خرید کر اسے اس کا مالک بناتاہے ،تو اس مکان کی قیمت غالب صورتوں میں 612,36گرام چاندی یا بعض صورتوں میں87,48گرام سونے کی بازاری قیمت سے زائد ہوگی ،لیکن چونکہ مکان حاجتِ اصلیہ ہے، اس لیے زکوٰۃ بلا کراہت اداہوجائے گی ۔اگر اللہ تعالیٰ نے آپ کو اتنے کثیر مال سے نوازا ہے اور آپ کو کسی صالح مستحقِ زکوٰۃ شخص کو حج کرانے کابھی شوق ہے ،تو اپنے اصل مال میں سے یہ سعادت حاصل کیجیے ، اسے اس رقم کا مالک بنادیجیے تاکہ وہ صاحبِ استطاعت ہوکر بطور فرض حج اداکرے ۔لیکن اگر آپ زکوٰۃ کی رقم سے کسی شرعی فقیر کو حج کرانا ہی چاہتے ہیں تو اتنی رقم اس کی ملکیت کردیں ۔اس شخص کی مرضی ہے کہ وہ اس رقم سے حج کرے یا اپنی اورکوئی ضرورت پوراکرے ،آپ اسے مجبور نہیں کرسکتے، اگر آپ نے رقم اس کی ملکیت میں نہیں دی اور اس کے حج کے اخراجات گورنمنٹ یاکسی پرائیویٹ حج گروپ آرگنائزر کے حوالے کردیے اور اس شخص کو حج پر بھیج دیا ،تو آپ کی زکوٰۃ ادانہیں ہوگی ۔

یہاں تو لوگ زکوٰۃ ادانہیں کرتے اور جلسوں میں نام ونمود کے لیے عمرے کے ٹکٹ بانٹتے پھرتے ہیں اورپیرانِ عظام کو مجمع اکٹھا کرنے کے لیے اس کا سہارا لینا پڑتا ہے،شایدان کے تقویٰ وکردارمیں وہ کشش نہیں رہی کہ ان ترغیبات کے بغیر لوگوں کو اُن کی مجالس میں کھینچ کر لائے ۔حضرت سید علی ہجویری المعروف داتا گنج بخش اور حضرت خواجہ معین الدین چشتی اجمیری اوردیگر اکابر اُمّت رحمہم اللہ تعالیٰ کے اَعراس پر اور دیگر مواقع پر عمرے کے ٹکٹ نہیں بٹتے،سینکڑوں سال بعد بھی ان کے علم ،ان کے تقویٰ ،ان کے اخلاص وللّٰہیت کے سبب لوگ کھنچے چلے آتے ہیں، آج علم ،تقویٰ اور اخلاص کا متبادل عمرے کے ٹکٹوں کو بنا لیا گیا ہے۔

Share This:

شرعی مسائل کا حل

  • 19  مارچ ،  2024

سوال: روزے کی حالت میں کسی کو قے ہو جائے تو اس کا کیا حکم ہے؟جواب: روزے کی حالت میں اگر کسی کو قے ہو جائے یا خود جان بوجھ کر...

  • 19  مارچ ،  2024

سوال: کیا وقت افطار دُعا کرنا بہت زیادہ پسندیدہ ہے؟جواب: حضرت عبداللہ بن عمرو بن العاص رضی اللہ عنہما بیان کرتے ہیں کہ...

  • 19  مارچ ،  2024

سوال:صدقۂ فطرکس شخص پر لازم ہے؟جواب:ایسا شخص جو خود محتاج، غریب اور مسکین ہو، اس پر صدقۂ فطر لازم نہیں ہے لیکن ایسے لوگ...

  • 19  مارچ ،  2024

کتاب و سنت کی روشنی میںسوال : صدقۂ فطر کس شخص پر واجب ہے؟جواب : جو صاحب نصاب ہو اور جس پر زکوٰۃ فرض ہو، اس پر صدقۂ فطر...

  • 18  مارچ ،  2024

مفتی منیب الرحمٰنتفہیم المسائلسوال: روزے کی حالت میں مسواک ، ٹوتھ پیسٹ یا ٹوتھ پاؤڈر استعمال کرسکتے ہیں ؟ جواب: ’’حضرت...

  • 18  مارچ ،  2024

مولاناڈاکٹرعبدالرزاق اسکندرآپ کے مسائل اور اُن کا حلسوال:۔ ماہ ِصیا م ماہ قرآن ہے۔ یہ معلوم ہے، لیکن قرآن کریم کے...

  • 17  مارچ ،  2024

سوال: روزے کی حالت میں وضو یا غُسل کرتے وقت ناک اور مُنہ میں پانی ڈالتے وقت کس چیز کا خیال رکھنے کی ضرورت ہے؟جواب: عام حالت...

  • 17  مارچ ،  2024

سوال: چھوٹے بچّوں کی روزہ کشائی کی تقریب منانا کیسا ہے؟جواب: بچّے اگر اپنی خوشی سے اور مرضی سے کم عمری کے باوجود بھوک پیاس...

  • 17  مارچ ،  2024

سوال:کان میں پانی چلا جائے تو روزہ ہو جائے گا یا نہیں؟جواب:کان میں پانی خودبخود چلا جائے تو روزہ نہیں ٹوٹے گا اور اگر جان...

  • 17  مارچ ،  2024

سوال:مصنوعی اعضاء لگانے سے روزہ ٹوٹ جائے گا یا نہیں؟جواب:مصنوعی اعضاء لگانے سے روزہ ٹوٹ جائے گا۔

  • 17  مارچ ،  2024

مولاناڈاکٹرعبدالرزاق اسکندرآپ کے مسائل اور اُن کا حلسوال :۔ صدقۃ الفطر عید کے دن ادا کرنا واجب ہے، اب پوچھنا یہ ہے کہ عید...

  • 17  مارچ ،  2024

ڈاکٹرعبدالرزاق اسکندرسوال :۔ صدقۃ الفطر عید کے دن ادا کرنا واجب ہے، اب پوچھنا یہ ہے کہ عید سے پہلے کب ادا کرسکتے ہیں کیا...

  • 16  مارچ ،  2024

تفہیم المسائلسوال: قے ہوجانے کی صورت میں روزہ ٹوٹ جاتا ہے یا نہیں ؟ جواب: خود بخود بلا اختیار قے ہوجانے سے روزہ نہیں...

  • 16  مارچ ،  2024

تفہیم المسائلسوال: کیا بچے کو دودھ پلانے والی عورت روزے کے دوران بچے کو دودھ پلا سکتی ہے، اس سےروزہ ٹوٹ تو نہیں جائے گا...

  • 16  مارچ ،  2024

سوال: روزے کی حالت میں افطار و سحر کے وقت طرح طرح کے پھل اور مشروبات اور کھانے پینے کی طرح طرح کی چیزیں گھروں میں تیار کی...

  • 16  مارچ ،  2024

سوال :سورۂ توبہ کی تلاوت کرتے وقت درمیان میں کسی وجہ سے تلاوت روکنا پڑگئی۔ بعد میں جب دوبارہ سورۂ توبہ کو درمیان سے...

  • 16  مارچ ،  2024

سوال :روزہ کی حالت میں چیونگم چبایا جا سکتا ہے یا نہیں ؟جواب  چیونگم کو چبا کر اس کے تھوک کو نگل لیا جاتا ہے جس میں مٹھاس...

  • 16  مارچ ،  2024

سوال:روزہ میں سر میں تیل لگانا یا کنگھی کرنا کیسا ہے؟جواب:۔ روزہ میں سر میں تیل لگانے یا کنگھی کرنے سے کوئی فرق نہیں ہوتا۔...

  • 16  مارچ ،  2024

سوال:۔ بچوں سے جب روزہ رکھوایا جاتا ہے تو بعض لوگ اس موقع پر روزہ کشائی کی تقریب مناتے ہیں۔ اس کے متعلق شرعی حکم کیا...

  • 16  مارچ ،  2024

آپ کے مسائل اور اُن کا حلسوال: فرض کریں میرے اکاؤنٹ میں ایک کروڑ ہے جس پر سالانہ لاکھوں کا انٹرسٹ ملتا ہے، جو کہ میں نہیں...