مشکلات کا حل

کتاب و سنت کی روشنی میں

سوال:کوئی شخص مشکلات میں گھرا ہوا ہو تو وہ ان کے حل کے لیے کیا طریقہ اختیار کرے؟

جواب:دنیا کے تمام مسائل کا حل اس دنیا کے خالق و مالک سے تعلق استوار کرنے میں ہے۔ اللہ تعالیٰ سے اپنے تعلق کو جتنا مضبوط اور مستحکم کیا جائے گا، پریشانیاں اور مشکلات اتنی ہی جلد دور ہوجائیں گی۔ قرآن حکیم کی سورئہ بقرہ میں بھی ارشاد ربانی ہے کہ ’’اے اہل ایمان! تمہیں جب بھی کوئی مشکل پیش آئے تو تم نماز کے ذریعے اللہ تعالیٰ سے تعلق قائم کرلو اور اس تکلیف اور مصیبت پر صبر سے کام لو۔‘‘ ہمارے پیارے حضور ﷺ کا طریقہ بھی یہی تھا کہ جب بھی آپ کو کسی پریشانی کا سامنا کرنا پڑتا تو آپ نماز کے ذریعے اللہ تعالیٰ سے اپنا تعلق قائم کرلیتے اور اپنی اُمت کو بھی یہی تلقین کی کہ جب بھی کوئی مشکل پیش آئے تو نماز کے ذریعے اللہ تعالیٰ سے اس پریشانی کو دور کرنے کے لیے مدد طلب کرو۔ اللہ تعالیٰ بہت جلد تم سے اس پریشانی کو دور کردے گا۔