اسٹفڈ ایگ کباب-Stuffed Egg Kabab

اجزا:

ابلے انڈے 6عدد، گائے کا قیمہ 250گرام، کٹی ہری مرچ 4عدد، کٹا ہرا دھنیا ایک کھانے کا چمچہ، پھینٹا ہوا انڈا ایک عدد، پانی 2کھانے کے چمچے، پسی لال مرچ آدھا چائے کا چمچہ، پسا زیرہ ایک چائے کا چمچہ، کٹی پیاز ایک کھانے کا چمچہ، میدہ ایک چائے کا چمچہ، تیل ایک کھانے کا چمچہ، بریڈ کرمز کوٹنگ کیلئے۔

ترکیب:

قیمے کو ایک کپ پانی میں ابال لیں، یہاں تک کہ وہ گل جائے۔ اب اسے چوپر میں اچھی طرح گرائنڈ کرلیں۔ پھرتیل گرم کرکے اس میںکٹی ہوئی پیاز،4عدد کٹی ہری مرچ اور1چائے کا چمچہ میدہ ڈال کر فرائی کریں، یہاں تک کہ وہ لائٹ گولڈن ہوجائے۔ اب اس میں قیمہ، نمک،1/2چائے کا چمچہ پسی لال مرچ، 1چائے کا چمچہ پسا زیرہ، گرم مصالحہ اور 1کھانے کا چمچہ کٹا ہرا دھنیا شامل کرکے اچھی طرح مکس کریں اور نکال لیں۔ پھر ایک پیالے میں1عدد انڈے کی زردی پھینٹ کر مکسچر میں شامل کردیں۔ اب ابلے انڈوں کی سفیدی کی جگہ پر تیار مکسچر بھریں اور انہیں بریڈ کرمز سے کوٹ کرکے ڈیپ فرائی کریں، یہاں تک کہ گولڈن براؤن کرلیں۔