چکن مجبوس-Chicken Majbos

اجزا:

چکن ڈرم اسٹکس 8عدد، چاول 2/1۔1کپ، مکسڈ اسپائس2 کھانے کے چمچے، کٹا لہسن 2جوئے، لیموں کا رس1چائے کا چمچہ، تیل 2کھانے کے چمچے، گھی1کھانے کا چمچہ، کٹی پیاز2عدد، چکن اسٹاک3 کپ، نمک حسب ذائقہ، دارچینی 2ٹکڑے، چھوٹی الائچی 2عدد، کالی مرچ 2-3عدد، زعفران 1چٹکی۔ انڈے ابلے ہوئے 3عدد، کٹا دھنیا گارنش کے لیے۔ عرق گلاب 1کھانے کا چمچہ۔

ترکیب:

پیالے میں مکسڈ اسپائس لہسن، لیموں کا رس اور1کھانے کا چمچہ تیل ڈال کر ملا دیں۔ اب اس میں چکن ڈرم اسٹکس ڈال کر 30منٹ میری نیٹ کرلیں۔ پھر پین میں تیل اور گھی گرم کرکے پیاز کو بھونیں۔ اب باقی پسے مصالحے شامل کردیں، اس کے بعد میرینیٹ کی ہوئی چکن ڈال کر گولڈن کریں اور تھوڑا سا پانی ملا کر ابالیں۔ پھر10سے15منٹ دم دے کر چولہے سے اتار لیں۔ دوسرے پین میں چکن کی یخنی ڈال کر چاول، نمک، دار چینی، الائچی، کالی مرچ اور پسی ہلدی ملا کر ابالیں اور دم دیں۔ اس کے بعد چولہے سے اتار کر زعفران اور عرق گلاب ڈالیں۔ اوون کو 180ڈگری سینٹی گریڈ پر گرم کرلیں۔ بیکنگ ٹرے پر تیل لگا کر گریس کریں۔ اب چاول گریس کیے ہوئے ٹرے میں ڈال کر چکن ڈرم اسٹکس رکھیں۔ پھر ابلے انڈے رکھ فوائل سے کور کریں اور پہلے سے گرم اوون میں ٹرے رکھ کر20منٹ بیک کرلیں۔ آخر میں دھنیے سے گارنش کرکے سرو کریں۔