پوٹیٹو بائیٹس-Potato Bites

اجزا:

 آلو تین عدد درمیانے، نمک حسب ذائقہ، لہسن کے جوئے دو سے تین عدد، پیاز ایک عدد چھوٹی، ثابت لال مرچیں دو سے تین عدد، سفید زیرہ ایک چائے کا چمچ، سموسے کی پٹیاں دو درجن، انڈا ایک عدد، میدہ آدھی پیالی پیالی، ڈبل روٹی کا چورا حسب ضرورت، کوکنگ آئل حسب ضرورت۔

ترکیب:

 آلوؤں کو ابال کر کانٹے سے کچل لیں، پیاز اور لہسن کو باریک کاٹ کر رکھ لیں۔ فرائنگ پین میں ایک کھانے کا چمچہ ڈالڈا کوکنگ آئل ڈال کر اس میں زیرہ اور لال مرچیں ڈال کر کڑکڑالیں۔ پھر اس میں پیاز اور لہسن کو ہلکا سنہرا فرائی کرلیں۔ اس میں کچلے ہوئے آلوؤں کو ڈال کر اچھی طرح ملالیں اور چولہے سے اتار کر ٹھنڈا کرلیں۔ سموسے کی دو پٹیوں کو ایک دوسرے پر کراس کرکے رکھیں، اس طرح اوپر والی پٹی پر ایک کھانے کاچمچ آلو کا تیار کیا ہوا بھرتہ رکھیں۔ پہلے نیچے والی پٹی کو اٹھا کر آپس میں میدے کی لئی سے چپکا لیں پھر اوپر والی پٹی کو موڑ کر چپکائیں۔ ایک پیالے میں خشک میدہ رکھ لیں اور ساتھ ہی ڈبل روٹی کا چورا اور انڈا پھینٹ کر علیحدہ پیالے میں رکھ لیں۔ تیار کئے ہوئے پوٹیٹو بائیٹس کو پہلے خشک میدے میں لتھیڑیں، پھر انڈے میں ڈبو کر آخر میں ڈبل روٹی کا چورا لگالیں۔ تمام پوٹیٹو بائیٹس کو اسی طرح تیار کرکے دس سے پندرہ منٹ کے لئے فریج میں رکھ دیں۔ کڑاہی میں ڈالڈا کوکنگ آئل کو درمیانی آنچ پر تین سے چار منٹ کے لئے گرم کریں اور پوٹیٹو بائیٹس کو سنہری فرائی کرلیں۔

ٹماٹو کیچپ یا حسن پسند چٹنی کے ساتھ پیش کریں۔