عام دنوں میں روزہ توڑدینا

سوال:رمضان کے علاوہ عام دنوں میں ایک شخص نے روزہ رکھا ہوا تھا کہ کسی وجہ سے اس کو روزہ توڑنا پڑگیا، تو کیا ایسی صورت میں اسے کفارہ بھی دینا ہوگا؟

جواب:کفارہ صرف اسی صورت میں ہے جبکہ رمضان کے مہینے میں روزہ توڑ دیا جائے یا بیوی سے ازدواجی تعلقات قائم کرلئے جائیں۔ عام دنوں میں روزہ رکھ کر اگر روزہ توڑ دیا گیا یا بیوی سے ازدواجی تعلقات قائم کرلئے گئے تو اس کو ایک روزہ بطور قضا تو رکھنا ہوگا مگر کفارہ لازم نہ ہوگا۔ صرف ماہ رمضان کی عظمت و حرمت کا خیال رکھتے ہوئے اگر رمضان میں بلاعذر توڑ دیا گیا یا بیوی سے تعلقات قائم کرلئے گئے تو کفارہ لازم ہوگا۔