یوٹیوب کی ممنوع آمدنی

یوٹیوب کی ممنوع آمدنی

مفتی منیب الرحمٰن

تفہیم المسائل

سوال: یوٹیوب چینل کی آمدنی سے متعلق میں نے آپ کا فتویٰ پڑھا اور آمدنی میں شک وشبہ ہونے کے سبب میں نے یوٹیوب پر کام کرنا چھوڑدیا ، ایک سال کے دوران میں نے تقریباً 70لاکھ روپے کمائے۔ آغاز میں میں نے اپنے بھائی سے وعدہ کیا تھا کہ اُسے کاروبار کے لیے رقم دوں گا ، وہ ایک سال میرا انتظار کرتا رہا ،اُدھار لے کر جو کام کرنا ہے ، صرف ایک بار مجبوری کی صورت میں ہے۔ کیا میں یوٹیوب کی آمدنی سے جمع اس رقم کو اپنے بھائی کو بطور ادھار دے سکتا ہوں، تاکہ وہ اس رقم سے کوئی جائز کاروبار کرے ،کیا اس کاروبار سے جو آمدنی ہوگی ،وہ حلال ہوگی؟ پھر میرا بھائی مجھے میری رقم واپس کردے اور میں وہ سارے پیسے صدقہ کردوں ،یعنی میں فوری طور پر رقم صدقہ نہیں کرسکتا ، کیا شریعت مجھے اتنی مہلت دیتی ہے ۔ (فیاض ، کراچی)

جواب: ہم نے اپنے فتوے میں لکھا تھا:’’ اگر آپ کے چینل پر چلائی جانے والی ڈاکومینٹری وڈیو میں محرمات نہ بھی ہوں، تب بھی یوٹیوب کی طرف سے لگائے جانے والے اشتہار میں خرابیاں پائی جاتی ہیں ، چونکہ یہ ایک عالمی ادارہ ہے اور دنیا بھر میں دکھائی جانے والی نشریات میں وہاں کے ماحول کے مطابق اشتہار چلاتے ہیں ، اکثریتی ممالک میں حرام اور ناجائز چیزوں کی تشہیر بھی کرتے ہیں، ان تمام مفاسد کے پیشِ نظر یوٹیوب پر وڈیو اَپ لوڈ کرکے پیسے کمانا اگر مکمل حرام قرار نہ دیاجاسکتا ہو ،تو مُشتبہ ضرور ہوگا‘‘۔

فتوے میں ہم نے تمام آمدنی صدقہ کرنے کا حکم نہیں دیا، بلکہ یہ لکھا: ’’ریویو سینٹر میں اشتہارات کا جائزہ لے کر ناجائز اشتہارات کی آمدنی علیحدہ کرکے اُسے ثواب کی نیت کے بغیر صدقہ کر دیں‘‘۔ علامہ ابن عابدین شامی ؒلکھتے ہیں: ترجمہ:’’ اگر وارث مال کے اصل مالکوں کو جانتا ہے ،تو اُن کا مال انہیں لوٹانا واجب ہے، ورنہ اگر اس مال کے بعینہ حرام ہونے کا اسے علم ہے تو اس کے لیے حلال نہیں، بلکہ مالک کی طرف سے نیت کرتے ہوئے صدقہ کرے اوراگر مال حرام ، حلال سے مخلوط ہے اور وہ وارث اس کے مالکوں کو نہیں جانتا ،نہ ہی بعینہٖ اس کے حرام ہونے کا اسے علم ہے تو وہ حکماً اس کے لیے حلال ہے ،مگر دیانت کے اعتبار سے اس سے بچنا ہی زیادہ بہتر ہے‘‘۔(ردالمحتار علیٰ الدرالمختار ،جلد5، ص:99)بھائی اگر کوئی جائز کاروبار کرتاہے ، تو اُس کی آمدنی جائز ہوگی۔

اگر آپ صدقہ کرنا ہی چاہتے ہیں ،تو وہ رقم اپنے بھائی کو صدقہ کردیں اور صدقہ دینے کے ثواب کی نیت نہ رکھیں ،صدقہ تو آپ کسی بھی ضرورت مند کو دے سکتے ہیں، لیکن بھائی کو دینے سے صلۂ رحمی کا ثواب آپ کو ملے گا اور بھائی کے لیے اُس رقم کا لینا جائز ہوگا۔

علامہ نظام الدین ؒلکھتے ہیں: ’’کسی شخص کے پاس مُشتبہ اور مشکوک مال ہو تو اُسے کسی اجنبی پر ہی خیرات کرنا ضروری نہیں، بلکہ وہ اپنے والد پر بھی خیرات کر کے بری الذمہ ہوسکتا ہے، اسی طرح اگر اُس کا بیٹا اس کے ساتھ شریکِ کاروبار ہو اور خرید و فروخت کرتا ہو اور فاسد سودے بھی ہوتے ہوں اور وہ اپنا تمام مال اُس بیٹے کو ہبہ کردے تو وہ اپنی ذمہ داری سے فارغ ہوجائے گا ، ’’قُنْیَۃ‘‘ میں اسی طرح ہے ‘‘۔ (فتاویٰ عالمگیری ،جلد5،ص:350) امام محمد بن حسن الشیبانیؒ فرماتے ہیں:’’ہم اِسی بات کو اختیار کرتے ہیں کہ جب تک ہمیں کسی معین شے کے متعلق اُس کا حرام ہونا واضح نہ ہوجائے (ہمارے لیے اُسے لینا جائز ہے) اور یہی امام ابوحنیفہؒ اور اُن کے اصحاب کا مذہب ہے‘‘۔ (فتاویٰ ہندیہ،ج:5،ص:342)

Share This:

شرعی مسائل کا حل

  • 13  اپریل ،  2024

کتاب و سنت کی روشنی میںسوال: غسل کرتے وقت آدمی اگر برہنہ ہوتو کیا نہانے کے بعد دوبارہ وضو کرنا ہوگا؟جواب:غسل کرنے کے بعد...

  • 12  اپریل ،  2024

مولانا سیّد سلیمان یوسف بنوریآپ کے مسائل اور اُن کا حلسوال: ہماری مسجد کے امام صاحب فجر کے بعد درس دیتے ہیں، چند دن قبل...

  • 11  اپریل ،  2024

مولاناڈاکٹرعبدالرزاق اسکندر سوال:لوگ عید ملتے وقت ایک دوسرے کو’’ عید مبارک‘‘ کہتے ہیں ،اس طرح کہنا کیسا ہے ؟جواب:...

  • 11  اپریل ،  2024

مفتی منیب الرحمٰن سوال:کیا عید کے دن نمازِ عید سے پہلے نفل پڑھ سکتے ہیں ،جواب: نمازِ عید سے پہلے نفل پڑھنا مطلقاً مکروہ...

  • 11  اپریل ،  2024

کتاب و سنت کی روشنی میںسوال : عید کو عید کا نام کیوں دیا گیا؟جواب : عید کو عید اس لئے کہا جاتا ہے کہ اس دن اللہ رب العزت کی...

  • 10  اپریل ،  2024

سوال:صدقہ ٔ فطر کی ادائیگی کا وقت کب ہوتا ہے؟جواب:عیدالفطر کی نماز سے پہلے صدقۂ فطر ادا کردینا چاہیے۔ غرباء کی آسانی...

  • 10  اپریل ،  2024

سوال: نماز عید ادا کرنے کے بعد مصافحہ کرنے اور گلے ملنے، یعنی معانقہ کرنے کے متعلق کیا حکم ہے؟جواب:نماز عید کے بعد مصافحہ...

  • 10  اپریل ،  2024

سوال: نماز عید کے بعد دعا کرنا کیسا ہے؟جواب: نماز عید کے بعد دعا کرنا مستحب ہے۔سوال:نماز عید کے بعد جو خطبہ دیا جاتا ہے اس...

  • 10  اپریل ،  2024

سوال:نماز عید ادا کرنے سے پہلے اور نماز فجر ادا کرنے کے بعد کیا نوافل پڑھے جا سکتے ہیں؟جواب:عید کے روز نماز عید ادا کرنے...

  • 10  اپریل ،  2024

سوال: عید کی نماز چھوٹ جائے تو کیا اس کی قضا کرنا ہوگی؟جواب:نماز عید کی قضا نہیں ہے۔ اگر کسی شخص کی نماز عید کی جماعت چھوٹ...

  • 10  اپریل ،  2024

کتاب و سنت کی روشنی میںسوال :خطبہ عید کے حوالے سے ضروری مسائل سے بھی آگاہ فرمائیں۔جواب : تین خطبے ایسے ہیں جو الحمد سے...

  • 09  اپریل ،  2024

مولاناڈاکٹرعبدالرزاق اسکندر سوال:کیا عید کے دن قبرستان جانا جائز ہے ؟جواب:۔ عیدین کے دن قبرستان جانا جائز ہے، بلکہ اچھا...

  • 09  اپریل ،  2024

کتاب و سنت کی روشنی میںسوال :عید کو عید کا نام کیوں دیا گیا، اس کا کیا مطلب ہے؟جواب : عید کو عید اس لئے کہا جاتا ہے کہ اس دن...

  • 09  اپریل ،  2024

کتاب و سنت کی روشنی میںسوال:نماز عید کیلئے جاتے وقت کیا تکبیر تشریق بھی پڑھنا ضروری ہے؟جواب :نماز عیدالفطر کیلئے جاتے...

  • 09  اپریل ،  2024

کتاب و سنت کی روشنی میںسوال : نماز عید کس وقت پڑھی جاتی ہے؟جواب :نماز عید کا وقت سورج بلند ہونے سے پہلے شروع ہوتا ہے۔ یعنی...

  • 09  اپریل ،  2024

کتاب و سنت کی روشنی میںسوال : نماز عید کی کیا شرائط ہیں؟جواب : نماز عید کی شرائط وہی ہیں جو نماز جمعہ کی ہیں، صرف دو باتوں...

  • 07  اپریل ،  2024

کتاب و سنت کی روشنی میںسوال:کیا کھجور سے روزہ کھولنا بہت ضروری ہے؟جواب:حضرت سلمان بن عامر جہنی کا بیان ہے کہ جناب نبی...

  • 07  اپریل ،  2024

کتاب و سنت کی روشنی میںجواب:روزے کی حالت میں مسواک کرنا، سرمہ لگانا، سر میں تیل لگانا، خوشبو لگانا، یہ سب کام جائز ہیں،...

  • 07  اپریل ،  2024

کتاب و سنت کی روشنی میںسوال:ماہ رمضان کے روزے کب فرض ہوئے اور کیا پچھلی امتوں پر بھی رمضان کے روزے فرض تھے؟جواب:روزوں کی...

  • 06  اپریل ،  2024

کتاب و سنت کی روشنی میںسوال:روزے کی حالت میں ہاتھ پیر زخمی ہوجائیں اور خون بہنے لگے یا دانتوں سے خون نکلنے لگے تو کیا اس...