ماضی کی کسی بات پر ایمان سے محروم ہونے کی قسم کھانا

مولانا سیّد سلیمان یوسف بنوری

آپ کے مسائل اور اُن کا حل

سوال: میرے شوہر نے مجھے ایک بات کے بارے میں کہا کہ اگر آپ نے یہ بات کی ہے اور آپ کہتی ہیں کہ میں نے نہیں کی تو آپ ایمان سے خالی(محروم) جائیں۔ میں نے کہا ،ہاں۔ اگر میں نے نہیں کی اور آپ کہتے ہیں کہ میں نے وہ بات کی ہے تو آپ ایمان سے خالی جائیں۔ اس نے کہا ،ہاں۔ اس صورت میں لازمی طور پر اب ایک تو ضرور جھوٹا ہوگا۔ تو اس سے کیا لازم آتا ہے؟ قرآن و سنت کی روشنی میں وضاحت فرمادیں کہ کیا اس سےنکاح تو نہیں ٹوٹتا؟

جواب: اگر آپ دونوں میں سے کسی نے جانتے بوجھتے جھوٹی قسم کھائی ہو تو اس نے انتہائی سخت گناہ کا ارتکاب کیا ہے اور اس پر توبہ و استغفار لازم ہے، لیکن اس قسم کی وجہ سے نکاح نہیں ٹوٹا اور جھوٹی قسم کھانے والا دائرۂ اسلام سے بھی خارج نہیں ہے۔ (بہشتی زیور،حصہ سوم ، ص: 145، قسم کھانے کا بیان، ط: توصیف پبلشر۔ فتاویٰ دارالعلوم دیوبند 12 /35، باب الیمین، ط: دارالاشاعت۔ بدائع الصنائع کتاب الأيمان، فصل فی رکن اليمين بالله تعالیٰ، 3/ 8، ط: دار الکتب العلميۃ)