اسپیشل قیمہ کریلے-Special Keema Karelay

اجزاء: گائے کا قیمہ آدھ کلو، کریلے آدھ کلو، لال مرچ 1 چائے کا چمچ پسی ہوئی، گرم مصالحہ 1 چائے کا چمچ، ثابت سفید زیرہ 1 چائے کا چمچ، دھنیا 1 چائے کا چمچ پسا ہوا، ہلدی1 چوتھائی چائے کا چمچ پسی ہوئی، لہسن ادرک 2 کھانے کے چمچ پسا ہوا، پیاز 2 عدد باریک کٹی ہوئی، آمچور آدھ چائے کا چمچ پسا ہوا، ہری مرچیں 4 عدد باریک کٹی ہوئی، ہرا دھنیا 1 چوتھائی گٹھی باریک کٹا ہوا، لیموں 1 عدد، نمک حسبِ ذائقہ، تیل حسبِ ضرورت۔

ترکیب: کریلے چھیل کر بیج نکال دیں اور کاٹ کر نمک ملے پانی میں اُبال لیں۔ دیگچی میں تیل گرم کرکے پیاز اور لہسن ادرک بھُونیں۔ اس میں قیمہ شامل کرکے پانی خشک ہونے تک بھُونیں۔ جب قیمہ بھُن جائے تو لال مرچ، گرم مصالحہ، زیرہ، دھنیا، ہلدی، آمچور اور نمک شامل کرکے خوشبو آنے تک مزید بھُونیں۔ اس میں کریلے، لیموں کا رس اور ہری مرچیں ڈال کر تیل علیحدہ ہونے تک بھُونیں اور ہرے دھنئے سے سجا کر پیش کریں۔