قرآنِ کریم کی تعلیمات پر عمل
- 18 مارچ ، 2023
- Web Desk
- اسلامی مضامین
مولانا حافظ عبد الرحمٰن سلفی
قرآن کریم رشد و ہدایت کا ابدی اورمثالی سرچشمہ ہے جس میں ایک طرف حقوق اللہ کی پاس داری ہے تو دوسری طرف حقوق العباد کی ادائیگی کا پیغام ہے۔ گویا یہ قرآن ہماری روحانی و جسمانی تسکین و شفا کا باعث ہے۔ اس میں پورا نظام حیات عطاکیا گیا ہے جس پر عمل پیرا ہو کر انسانیت اپنا کھویا ہوا وقار اور گمشدہ متاع عزیز یعنی جنت بھی حاصل کر سکتی ہے۔ قرآن راہِ نجات اورہمارے تمام دکھوں کا مداوا ہے۔ چناںچہ قرآن کریم میں فرمایا گیا: اور ہم قرآن(کے ذریعے) وہ چیز نازل کرتے ہیں جو مومنوں کے لئے شفاء اور رحمت ہے۔(سورۂ بنی اسرائیل)
اللہ خالق و مالک نے قرآن کا مقصد بیان کرتے ہوئے ارشاد فرمایا! وہی تو ہے جس نے ان پڑھوں میں انہی میں سے (محمدﷺ کو) پیغمبر (بنا کر) بھیجا جو ان کے سامنے اس کی آیتیں پڑھتے اور انہیں پاک کرتے اور (اللہ کی) کتاب اور دانائی سکھاتے ہیں اور ا س سے پہلے تو یہ لوگ صریح گمراہی میں تھے۔ (سورۃ الجمعہ)
دوسرے مقام پر یوں فرمایا! وہ اللہ تعالیٰ بہت برکت والا ہے جس نے قرآن مجید کو اپنے بندے (محمدﷺ) پر نازل فرمایا، تاکہ وہ سب لوگوں کے لئے آگاہ کرنے والا ہو جائے۔ اسی اللہ (یکتا) کی حکومت و سلطنت ہے‘ آسمانوں اور زمین کی‘ اور اس نے کوئی اولاد نہیں بنائی اور نہ کوئی اس کی سلطنت میں شریک ہے۔ اس(اللہ) نے ہر چیز کو پیدا کیا اور مناسب اندازے پر رکھا۔(سورۃ الفرقان)
اسی طرح ایک مقام پر قرآن کی عظمت کا یوں اظہار کیا گیا: ہمیں تاروں کی منزلوں کی قسم،اگر تم سمجھو تو یہ بڑی قسم ہےکہ یہ بڑے رتبے کا قرآن ہے۔ (جو) کتاب محفوظ میں (لکھا ہوا ہے)۔ اسے وہی ہاتھ لگاتے ہیں جو پاک ہیں۔پروردگار عالم کی طرف سے اتاراگیا ہے۔کیا تم اس کلام سے انکار کرتے ہو؟اور اپنا وظیفہ یہ بناتے ہو کہ (اسے)جھٹلاتے ہو۔(سورۃ الواقعہ)
مذکورہ بالا آیات قرآنی سے معلوم ہوتا ہے کہ قرآن کا مقصد انسانیت کے عقائد و اعمال اور اخلاق کی تطہیر کر کے رب کے پسندیدہ بندے بنا کر اس کے اصلی مقام جنت اور رضائے الٰہی کی شاہراہ مستقیم پر گامزن کرانا ہے ۔ تاکہ انسانیت اپنا کھویا ہوا مقام دوبارہ حاصل کر لے‘ جو اس کی شامتِ اعمال کی بناء اس کے ہاتھوں سے جاتا رہا ہے۔ یہ قرآن مجید اتنی عظمتوں اوررفعتوں کا حامل ہے کہ اگر ایمان کے جذبے کے ساتھ محض اس کی تلاوت کر لی جائے تو وہ بھی مومن کے لئے انتہائی اجر و ثواب کا باعث ہے۔ چنانچہ اللہ کے آخری محبوب پیغمبرﷺ کا ارشاد گرامی ہے: جس نے قرآن مجید کا ایک حرف پڑھا، اسے نیکی ملے گی اور ایک نیکی کا ثواب دس نیکیوں کے برابر ہے۔اَلٰمٓ ایک حرف نہیں ہے، بلکہ الف ایک حرف ہے لام ایک حرف ہے اورم ایک حرف ہے۔ (ترمذی‘ دارمی)
گویاان حرفوں کی تلاوت کے بدلے پڑھنے والے کو تیس نیکیاں ملیں گی۔ اندازہ کیجئے کہ محض تلاوت کرنے پر اس قدر اجر و ثواب ہے تو پھر سمجھ کر سیکھنے اور اس کے علوم کے حصول اور عمل پر کیا اجر و ثواب ہو گا؟ اس کا احاطہ کرنا ناممکن ہے۔ ہم اپنے ناقص حساب کتاب سے صرف اتنا کہہ سکتے ہیں کہ قرآن سیکھنے سکھانے اور اس پر عمل کرنے سے اللہ کاتقرب حاصل ہو سکتا ہے اور انشاء اللہ تعالیٰ ا س کی برکت سے جنت کے حصول اور جہنم کی ہولناکیوں سے محفوظ رہنے میں کامیاب ہو سکتے ہیں۔ جو اگر حاصل ہوگئی تو یقیناً بڑی کامیابی ہے۔
یاد رکھیے! دنیا کی مختصر زندگی بہر صورت گزرہی جائے گی، لیکن اگریہ زندگی رب کی رضا کے مطابق گزری تو دنیا و آخرت دونوں کی کامیابی ہے ‘وگرنہ من چاہی ‘ شتر بے مہار زندگی یا اللہ کی بغاوت و نافرمانی ‘قرآ ن کی تکفیر و تکذیب میں گزری تو ایسی زندگی دنیاوی لحاظ سے شاید کامیاب ہوجائے ،لیکن ابدی زندگی جہنم کی نذر ہو کر خسران کا باعث ثابت ہو گی۔ اللہ تعالیٰ ہم سب کو اس سے محفوظ و مامون رکھے۔ آمین۔ قرآن مجید سے تعلق استوار اور مضبوط سے مضبوط تر رکھنا مؤمن کا شعار ہے۔ یہ نازل ہی اس لئے ہوا ہے کہ ہم اپنا تزکیہ کر لیں اور اپنے مربی و آقا ‘ پالنہار اللہ رب العالمین کے پسندیدہ بندے بن جائیں اوریہ قرآن معمولی چیز نہیں کہ ہم اسے محض ایک کتاب سمجھیں، بلکہ اس میں ہمارے لئے دنیا و آخرت کی کامرانیوں کا مکمل لائحہ عمل موجود ہے۔ اس کے علاوہ قرآن دلوں کا زنگ دور کرکے صاف شفا ف بناتا ہے۔سرورِ کائناتﷺ کا ارشاد عالی ہے: دلوں کو زنگ لگ جاتا ہے جس طرح لوہے کو پانی لگ جانے سے زنگ لگ جاتا ہے۔ صحابہؓ نے عرض کیا، یارسول اللہﷺ، پھر انہیں کس طرح صاف کیاجائے؟آپﷺ نے فرمایا ، موت کو زیادہ یاد کیا کرو اور قرآن مجید کو کثرت سےپڑھا کرو۔(بیہقی)
اسی طرح دوسرے مقام پر فرمایا! جو اپنے رب سے کلام کرنا چاہے تواسے چاہیے کہ قرآن مجید پڑھے ۔(کنزالعمال)ایک حدیث میں یوں ارشاد فرمایا!قرآن پڑھا کرو ، کیونکہ وہ قیامت کے دن اپنے پڑھنے والوں کے لئے شفیع بن کر آئے گا۔ (صحیح مسلم) ایک جگہ اس طرح قرآن کی عظمت بیان فرمائی گئی! میری امت کی بہترین عبادت قرآن مجید کی تلاوت ہے۔ رسول اکرم ﷺ کاارشاد ہے: روز قیامت قرآن مجید پڑھنے والے سے کہا جائے گاکہ قرآن پڑھتا جا اور(جنت کے ) اونچے اونچے درجات پر چڑھتا جا اورٹھہر ٹھہر کر پڑھ، جیساکہ دنیا میں پڑھتا تھا ،تمہارا جنت میں آخری درجہ وہ ہو گا، جہاں تم پڑھتے پڑھتے ٹھہر جائو گے۔(ترمذی)
قارئین کرام! قرآن مجید سراسر خیر و برکت ،فوز و فلاح او ررشد و ہدایت کا سرچشمہ ہے۔ اس پر ایمان لانا ،اس کی تلاوت کرنا اور اس کے احکام یعنی اوامر ونواہی پر کماحقہ عمل پیر اہونا اور صاحب قرآن ‘ پیغمبر آخرالزماں ﷺ کی لائی ہوئی شریعت یعنی قرآن و حدیث کی اتباع کرنا دنیا و آخرت کی بھلائیوں اورنجات کا ذریعہ ہے۔ اللہ تعالیٰ سے دعا ہے کہ وہ ہمیں صحیح معنوں میں قرآن کا فہم عطا فرمائے، ہمارے عقائد و اعمال کی اصلاح فرما ئے اور ہماری انفرادی و اجتماعی زندگی میں دین کو نافذ فرمائے۔ ہماری لغزشوں اور خطاؤں سے درگزر فرمائے۔ قرآن و صاحب قرآنﷺ کی سچی فرماںبرداری کے ذریعے اپنی رضا کا حصول آسان فرمادے۔(آمین یا ربّ العالمین)
حال ہی میں سوئیڈن میں قرآن کریم کو جلانے کا واقعہ انتہائی شرم ناک اور مذموم حرکت ہے ،جس نے دنیا میں بسنے والے دوارب کے قریب مسلمانوں کی دینی حمیّت اور جذبات کو مجروح کیا ۔قرآن پاک کی بے حرمتی یا اسے جلانے کا عمل ناقابل برداشت اور دل آزاری کا سبب ہے،جس کی جتنی مذمت کی جائے ،کم ہے۔
یاد رکھیے، اسلام احترام انسانیت کے ساتھ ساتھ احترام مذاہب کی بھی تعلیم دیتا ہے، یہ اسلام اور مسلمانوں کی رواداری ہی ہے کہ وہ کسی بھی مذہب اورکسی بھی مذہبی رہنما کی بے احترامی اورتوہین کو روا نہیں سمجھتے۔توہین قرآن کا یہ عمل بلاشبہ انتہائی قابل مذمت ہے۔ تمام مذاہب اور پوری انسانیت کو ایسے عمل کی شدید مذمت کرنی چاہیے۔
اسلامی مضامین
غیر مسلموں کے حقوق کا تحفظ
- 28 مارچ ، 2024
عمران احمد سلفیارشادِ باری تعالیٰ ہے : جن لوگوں نے تم سے دین کے بارے میں جنگ نہیں کی اور تمہیں تمہارے گھروں سے نکالا...
نیک سیرت و کردار اور اعلیٰ اخلاقی اقدار کی اہمیت
- 28 مارچ ، 2024
مولانا نعمان نعیمدنیا کے تمام ادیان و مذاہب میں دین اسلام کو یہ امتیاز حاصل ہے کہ یہ آخری الہامی مذہب ،دین فطرت اور دین...
لیلۃ الجائزہ
- 28 مارچ ، 2024
محمد عبدالمتعالی نعمانرمضان کریم کے بابرکت اور مقدس ایام کے اختتام پر آنے والی رات ’’لیلۃ الجائزہ‘‘ یعنی شب...
اعتکافِ رمضان: ماہِ مُبارک کی مسنُون اور اہم عبادت
- 28 مارچ ، 2024
مولاناڈاکٹر سعیدا حمد صدیقی’’اعتکاف‘‘رمضان المبارک کی مسنون اور اہم عبادت ہے ،جسے فرض کفایہ کا درجہ حاصل ہے۔احادیثِ...
’’رمضان المُبارک‘‘ ہمدردی و خیر خواہی کا مہینہ
- 27 مارچ ، 2024
پروفیسر خالد اقبال جیلانیاس سال کے رمضان المبارک کا آغاز اسلامی جمہوریہ پاکستان میں بھیانک معاشی ماحول میں ہورہا ہے۔...
’’نمازِ تراویح‘‘ رمضان المبارک کی اہم عبادت
- 27 مارچ ، 2024
ڈاکٹر آسی خرم جہا نگیری ’’نمازِ تراویح‘‘ نبی کریم ﷺ کی سنّت ہے اور احادیث مبارکہ میں اس کی فضیلت آئی ہے۔ حضرت ابو...
روزہ کا اجر و ثواب
- 27 مارچ ، 2024
حضرت سلامہ بن قیصر حضرمی رضی اللہ عنہ کا بیان ہے کہ جناب رسول اللہ صلی اللہ علیہ وسلم نے فرمایا:’’جو شخص اللہ تعالیٰ کی...
رمضان میں عمرہ کرنے کا ثواب
- 27 مارچ ، 2024
حضرت ابوہریرہ رضی اللہ عنہ کا بیان ہے کہ جناب رسول اللہ صلی اللہ علیہ وسلم نے ارشاد فرمایا: ’’حجاج اور معتمرین اللہ کے...
روزہ اور نمازِ تراویح
- 26 مارچ ، 2024
پروفیسر خالد اقبال جیلانیرمضان المبارک کا مہینہ اہلِ ایمان کے لئے سراپا رحمت ہے ، یہ گویا اللہ تعالیٰ کی طرف سے بندوں کے...
رمضان المبارک کی آمد پر دعا
- 26 مارچ ، 2024
حضرت عبادہ بن صامت رضی اللہ عنہٗ سے روایت ہے، فرماتے ہیں کہ جب رمضان شریف آتا تو نبی کریم صلی اللہ علیہ وسلم ہمیں یہ ...
مہنگائی و معاشی بدحالی کے اسباب اور اُن کا حل
- 26 مارچ ، 2024
مفتی محمد راشد ڈسکویآج کل ہر طرف مہنگائی کے از حد بڑھ جانے کے سبب ہر بندہ ہی پریشان نظر آتا ہے، کسی بھی مجلس میں شرکت کی...
روزہ افطار کرانے پر بے شمار اجر و ثواب کی نوید
- 26 مارچ ، 2024
اسلام دین رحمت،نظام فطرت اور مذہب انسانیت ہے،اس کی تعلیمات بنی نوع آدم کی فلاح اور نجات کی حقیقی ضامن ہیں۔ قرآن کریم...
روزہ افطار کرانے پر بےشمار اجر و ثواب کی نوید
- 25 مارچ ، 2024
ڈاکٹر حافظ محمد ثانیاسلام دین رحمت،نظام فطرت اور مذہب انسانیت ہے،اس کی تعلیمات بنی نوع آدم کی فلاح اور نجات کی حقیقی...
دن کا روزہ اور رات کی تراویح
- 24 مارچ ، 2024
حضرت عبدالرحمٰن بن عوف رضی اللہ عنہ کا بیان ہے کہ جناب رسول اللہ صلی اللہ علیہ وسلم نے ارشاد فرمایا:بے شک اللہ تعالیٰ نے...
روزہ آدھا صبر ہے
- 24 مارچ ، 2024
حضرت ابو ہریرہ رضی اللہ عنہ کا بیان ہے کہ جناب رسول اللہ صلی اللہ علیہ وسلم نے ارشاد فرمایا:روزہ آدھا صبر ہے۔ حضرت...
روزے کی برکات
- 24 مارچ ، 2024
حضرت حذیفہ رضی اللہ عنہ کا بیان ہے کہ میں نے جناب رسول اللہ صلی اللہ علیہ وسلم کو یہ فرماتے ہوئے سنا:’’جو شخص ایمان و...
رمضان المبارک
- 24 مارچ ، 2024
حضرت سلمان فارسی رضی اللہ عنہ کا بیان ہے کہ جناب رسول اللہ صلی اللہ علیہ وسلم نے شعبان کے آخر میں ہمارے سامنے خطبہ دیتے...
استقبالِ رمضان اور اُس کے تقاضے
- 23 مارچ ، 2024
مفتی غلام مصطفیٰ رفیقماہِ رمضان ہزاروں رحمتوں اوربرکتوں کو اپنے دامن میں لئے ہم پرسایہ فگن ہونے والا ہے، یہ بابرکت...
غم گساری کا مہینہ
- 23 مارچ ، 2024
حضرت ابوہریرہ رضی اللہ عنہ کا بیان ہے کہ ایک مرتبہ ایک صاحب حضورنبی کریم صلی اللہ علیہ وسلم کی خدمت اقدس میں حاضر ہوئے،...
بابرکت مہینہ
- 23 مارچ ، 2024
حضرت عبادہ بن صامت رضی اللہ عنہ کا بیان ہے کہ جناب رسول اللہ صلی اللہ علیہ وسلم نے ہم سے ارشاد فرمایا: اللہ تعالیٰ کا...