شدید سردی میں صرف وضو کے فرائض پورے کرنا

مولانا سیّد سلیمان یوسف بنوری

آپ کے مسائل اور اُن کا حل

سوال: آج کل ہمارے علاقے میں سردی بہت زیادہ ہے تو اس صورت حال میں اگر صرف وضو کےفرائض ہی پورے کرلیا کریں؟ اس بارے میں کیا حکم ہے؟

جواب: حدیث شریف کی رو سےجن تین اعمال کی وجہ سے گناہ معاف اور درجات بلند ہوتے ہیں ان میں سے ایک یہ بھی ہے کہ جب وضو دشوار معلوم ہورہا ہو، اس وقت مکمل وضو کیا جائے۔ اگر ٹھنڈے پانی کے استعمال میں حرج ہو تو گرم پانی سے وضو کرلیا جائے۔ جو لوگ بیماری کی تکلیف میں یا جاڑے کی شدت کے باوجود پورا وضو کرتے ہیں، وہ اس فضیلت کے مستحق ٹھہرتے ہیں۔ صرف فرائض پورے کرنے سے اگر چہ وضو درست ہوجائے گا ،مگر اس فضیلت سے محرومی رہے گی۔