مٹن چوپس

اجزاء:

چوپس آدھا کلو، نمک آدھا چائے کا چمچہ، کالی مرچ آدھا چائے کا چمچہ، گرم مصالحہ آدھا چائے کا چمچہ، ادرک لہسن کاپیسٹ ایک چائے کا چمچہ، ہری مرچ کاپیسٹ ایک چائے کا چمچہ، سرکہ 2کھانے کے چمچے، اُبلی اور کیوبز میں کٹی گاجر ایک عدد، اُبلا اور کیوبزمیں کٹا آلو ایک عدد، مٹر آدھا کپ، پھینٹی ہوئی دہی 4کھانے کے چمچے، چاٹ مصالحہ آدھا چائے کا چمچہ، کیچپ 2کھانے کے چمچے

ترکیب:پہلے آدھا کلو مٹن چوپس کو آدھا چائے کا چمچہ نمک ، آدھا چائے کا چمچہ کالی مرچ آدھا چائے کا چمچہ گرم مصالحہ ، ایک چائے کا چمچہ ادرک لہسن کاپیسٹ ، ایک چائے کا چمچہ ہری مرچ کا پیسٹ اور 2کھانے کے چمچے سرکہ سے 30منٹ کے لیے میری نیٹ کرلیں۔ اب انہیں 2کھانے کے چمچے تیل میں پکائیں ۔ ساتھ ہی ایک کپ پانی ڈال کر اتنا پکائیں کہ وہ تیار ہوجائیں ۔ پھر 4کھانے کے چمچے پھینٹی ہوئی دہی کو آدھا چائے کا چمچہ چاٹ مصالحہ 1/4چائے کا چمچہ نمک اور 1/4چائے کا چمچہ کالی مرچ کے ساتھ مکس کرلیں ۔ اس کے بعد فوائل کو چھ بائے چھ انچ کے اسکوائرز ٹکڑوں میں کاٹ لیں ۔ اب ایک چائے کا چمچہ دہی کو مصالحہ کے ساتھ اوپر ڈالیں ۔ ساتھ میں اُبلی اور کیوبز میں کٹی گاجر کے چند ٹکڑے، ایک عدد اُبلا اور کیوبز میں کٹا آلو اور آدھا کپ مٹر ڈال دیں۔ اس کے اوپر ایک چانپ ڈالیں اور اچھی طرح سے فولڈ کرلیں ۔ آخر میں اسے اسٹیم کریں یا 15منٹ کے لیے بیک کرلیں ۔ اب فوائل میں گرم گرم سرو کریں۔