پالک پنیر-Palak paneer

اجزاء:

پالک ایک کلو، میٹھا سوڈا ایک چائے کا چمچ، کھانے کا تیل 3کھانے کے چمچ، میدہ ایک کھانے کا چمچ، پنیر 200گرام، پیاز ایک عدد، ثابت زیرہ ایک کھانے کا چمچ، ہری مرچ 5گرام، ادرک لہسن پیسٹ 2 کھانے کے چمچ، ہرا دھنیا 10گرام، نمک حسبِ ذائقہ، لال مرچ پسی ہوئی ایک کھانے کاچمچ، گرم مصالحہ پاؤڈر ایک چائے کا چمچ، زیرہ پاؤڈر ایک کھانے کا چمچ، دھنیا پاؤڈر ایک کھانے کا چمچ، کریم 3کھانے کے چمچ، سوکھی میتھی ایک کھانے کا چمچ، مکھن 2 کھا نے کے چمچ۔

ترکیب:

ایک برتن میں پانی لیں اور اس میں میٹھا سوڈا اور پالک ڈا ل کر آٹھ سے دس منٹ تک اُبال لیں۔ اب ایک پین میں کھانے کا تیل لیں اس میں میدہ لگا پنیر ڈا ل کر لائٹ براؤن ہونے تک ڈیپ فرائی کر لیں۔ اب گرائینڈر میں اُبلی ہوئی پالک اور تھوڑاسا پانی ڈال کر گرائینڈ کر لیں۔ اب ایک پین میں کھانے کا تیل لیں اور اس میں پیاز ،ثابت زیرہ ،ہری مرچ ،ادرک لہسن پیسٹ ،ٹماٹر ،ہرا دھنیا ،نمک،لال مرچ پسی ہوئی ،گرم مصالحہ پاؤڈر ،زیرہ پاؤڈر ،دھنیا پاؤڈر اور پانی ڈا ل کر تین سے چار منٹ تک پکائیں۔ اب اس میں گراینڈ کی ہوئی پالک ،فرائی کیا ہوا پنیر ،کریم ،سوکھی میتھی اور مکھن ڈال کر پانچ منٹ تک پکا لیں۔ آپ کی مزیدار پالک پنیر تیار ہے۔