چائنیز پیزا

اجزاء: انڈے 3عدد، پنیر 50گرام، خمیر ایک چھوٹا چمچ، میدہ 250گرام، قیمہ 100گرام، اجینو موتو ایک چھوٹا چمچ، گھی حسب ضرورت، پسی ہوئی سرخ مرچیں ایک چمچ، ہری مرچیں تین عدد، ٹماٹو کیچپ حسب ضرورت۔

ترکیب:پیاز چھیل کر باریک باریک ٹکڑوں میں کاٹ لیں۔ قیمہ پہلے سے ابال کر رکھ لیں۔ ہری مرچوں سے بیج نکال دیں اور مرچوں کو چھو ٹے چھوٹے ٹکڑوں میں کاٹ لیں اور تھوڑے سے پانی میں خمیر ڈال کر رکھ چھوڑیں تاکہ وہ پھول جائے۔ میدہ چھان کر الگ رکھ لیں۔ اس کے بعد ایک بڑی ڈش میں میدہ ڈالیں۔ اس میں تھوڑا سا اجینوموتو اور گھی ملائیں اور اچھی طرح مکس کریں۔ انڈے پھینٹ کر خمیر میں شامل کریں اور پھر اس کو میدے میں ڈال کر ٹھیک طرح سے گوندیں اور ایک گھنٹہ کے لئے رکھ چھوڑیں۔ اسی دورن اسی برتن میں گھی ڈال کر چولہے پر رکھیں۔ اس میں تمام مصالحہ جات قیمے سمیت ڈال کر بھونیں اور آگ سے اتار لیں۔ پھر گوندھے ہوئے میدے کو بیلنے سے بیل کر روٹی بنائیں، اوپر قیمے والا آمیزہ لگانے سے پہلے ٹماٹو کیچپ لگائیں پھر اوون میں روٹی پکائیں، اوپر پنیر کے ٹکڑے ڈالیں۔ تھوڑی دیر بعد اوون سے نکال کر پلیٹ میں رکھیں اور کھانے کے لئے پیش کریں۔