روزہ میں انڈواسکوپی

سوال :امراض کی تشخیص کیلئے آجکل انڈواسکوپی کا طریقہ بھی اختیار کیا جاتا ہے۔ اس میں پیچھے کے راستے سے نلکی داخل کی جاتی ہے اور اس کے ذریعے پیٹ کے اندر اور فضلے کے راستے معائنہ کیا جاتا ہے۔ دریافت طلب امر یہ ہے کہ تشخیص کا یہ طریقہ روزہ کی حالت میں اختیار کیا جاسکتا ہے؟ اس سے روزہ میں کوئی فرق تو نہیں آئے گا اور روزہ ہو جائے گا یا نہیں؟ اس میں محض ایک پتلا سا پائپ لگا ہوتا ہے جس میں ایک چھوٹا سا کیمرا اور بلب لگاتا ہوتا ہے۔ اس پائپ کے ذریعے پورے پیٹ کا پورا معائنہ کیا جاتا ہے۔ اس کے علاوہ کوئی دوا وغیرہ اندر داخل نہیں کی جاتی۔

جواب :مذکورہ طریقے سے معائنہ کرنے سے روزہ میں کوئی فرق نہیں آئے گا۔ روزہ ہو جائے گا۔ بعض اوقات اجابت کیلئے نلکی کا استعمال کیا جاتا ہے، اس میں سیال دوا ہوتی ہے جو پیچھے کے راستے سے اندر جاتی ہے اور اس کی وجہ سے اجابت ہوتی ہے۔ اس کو فقہاء ’’حقنہ‘‘ کہتے ہیں جس میں مریض کے پچھلے راستہ سے پیٹ صاف کرنے کیلئے دوائی چڑھائی جاتی ہے۔ اس کے بارے میں اہل علم کا بیان ہے ’’روزہ دار جب حقنہ لگوائے گا تو روزہ فاسد ہو جائے گا۔‘‘