کفارہ کے دوران ایسے ایام جن میں روزہ رکھنا ممنوع ہے

سوال:۔ کفارہ کے روزے مسلسل دو مہینے کے رکھنے ہوتے ہیں لیکن اگر اس درمیان میں ایسے ایام آجائیں جن میں روزے رکھنا ممنوع ہے تو اس صورت میں کیا حکم ہے؟ اور حالت حیض کے استثنیٰ کے متعلق کیا حکم ہے؟

جواب:۔ مذکورہ صورت میں عورت کو اس دوران حیض آجائے تو وہ مستثنیٰ ہے اور اس انقطاع کی وجہ سے عورت کو جتنے ایام حالت حیض میں گزریں گے، اتنے ہی دنوں کے مزید روزہ رکھنے ہوں گے اور گنتی پوری 60کرنی ہوگی۔ اس کے علاوہ ایام تشریق یا عیدین کے دنوں میں روزے رکھنا ممنوع اور حرام ہیں۔ اس لیے کفارہ کے روزے اس حساب سے رکھے جائیں کہ یہ ایام درمیان میں نہ آئیں۔ ان ایام کے بعد کفارہ کے روزے رکھنے شروع کئے جائیں۔