سال بھر میں ایک مہینے کے روزے

سوال:۔ سال بھر میں صرف ایک مہینے کے روزے مقرر کئے گئے ہیں، اس کا کیا سبب ہے؟

جواب:۔ سال بھر روزے کی پابندی ہمیشہ کے لیے اپنے اہل و عیال اور روزی کمانے میں مشغولیت کے سبب ممکن نہ تھی۔ لہٰذا کچھ مدت گزرنے کے بعد ہر مرتبہ ایک مقررہ تعداد میں روزہ رکھنے کا اہتمام کیا گیا جس سے پورے معاشرے میں نیکی کرنے کا ایک ماحول پیدا کردیا گیا کہ لوگوں کے لیے نیکی کرنے اور برائی سے بچنے میں آسانی ہوجائے۔ پھر یہ بھی کہ روزہ کی ایک مقدار اور وقت متعین کردیا جائے کہ کوئی شخص بھی اس میں افراط و تفریط سے کام نہ لے سکے۔ لہٰذا ضروری ہوا کہ ایک مہینے تک ہر روز ایک متعین وقت کے اندر کھانے پینے، خواہشات نفسانی سے اپنے آپ کو باز رکھنے کے ساتھ ساتھ روزی کمانے کی پابندی کی جاسکے۔