وَبِصَوْمِ غَدٍ نَّوَيْتُ مِنْ شَهْرِ رَمَضَانَ.
I Intend to keep the fast for month of Ramadan

روزہ رکھنے کی شرائط

Islamic Q&A
روزہ رکھنے کی شرائط

کتاب و سنت کی روشنی میں

سوال: روزہ رکھنے کی کیا کیا شرائط ہیں؟

جواب: روزہ کی شرائط دو قسم کی ہیں: (1) شرائط وجوب (2) شرائط صحت… روزہ صحیح ہونے کے لئے جن باتوں کا پایا جانا ضروری ہے، ان کو شرائط صحت کہا جاتا ہے اور روزہ واجب ہونے کیلئے جن باتوں کا پایا جانا ضروری ہے، ان کو شرائط وجوب کہا جاتا ہے۔ شرائط وجوب یعنی روزہ واجب ہونے کی چار شرطیں ہیں (1) اسلام: کافر پر روزہ واجب نہیں (2) بلوغ: نابالغ بچے پر روزہ واجب نہیں (3) صوم: رمضان کے روزے کی فرضیت سے واقف ہونا (4) معذور نہ ہونا، یعنی کوئی ایسا عذر نہ ہو جس میں شریعت نے روزہ نہ رکھنے کی اجازت دی ہے۔ مثلاً بیماری، سفر، بڑھاپا، جہاد وغیرہ۔ شرائط صحت یعنی روزہ صحیح ہونے کی تین شرطیں ہیں (1)اسلام: کافر کا روزہ صحیح نہیں (2) خواتین کا حیض و نفاس سے پاک ہونا (3) نیت کرنا۔ یعنی دل میں روزہ رکھنے کا ارادہ کرنا۔ روزہ رکھنے کا ارادہ کئے بغیر اگر کوئی شخص دن بھر ان تمام چیزوں سے رکا رہا جن سے روزے میں رکنا ضروری ہے تو اس کا روزہ صحیح نہ ہوگا۔