وَبِصَوْمِ غَدٍ نَّوَيْتُ مِنْ شَهْرِ رَمَضَانَ.
I Intend to keep the fast for month of Ramadan

ناپاک آدمی سے بات چیت کرنا

Islamic Q&A
ناپاک آدمی سے بات چیت کرنا

کتاب و سنت کی روشنی میں

سوال:گھر میں رہتے ہوئے ایک آدمی کو احتلام ہوجائے تو کیا کسی سے بات کرنے سے پہلے اس شخص پر غسل کرنا ضروری ہے؟ اگر وہ شخص غسل کرنے سے پہلے کسی سے بات کرے گا تو اس آدمی پر بھی غسل فرض ہوجائے گا؟ کیا یہ بات درست ہے؟

جواب:صفائی ستھرائی اور نفاست و پاکیزگی ایمان کا ایک حصہ ہے، اس لئے ایک مسلمان کو ہر وقت پاک صاف رہنا چاہئے۔ جب بھی احتلام و جنابت وغیرہ کی وجہ سے کسی کو ناپاکی لاحق ہوجائے اور غسل فرض ہوجائے تو جتنا جلد ہوسکے، اسے غسل کرلینا چاہئے۔ تھوڑی بہت تاخیر میں کوئی حرج اور گناہ نہیں البتہ اس کی وجہ سے نماز کا وقت نہ نکلنے پائے۔ یہ بات صحیح نہیں کہ ناپاک آدمی اگر کسی سے بات کرے گا تو اس آدمی پر بھی غسل فرض ہوجائے گا۔