وَبِصَوْمِ غَدٍ نَّوَيْتُ مِنْ شَهْرِ رَمَضَانَ.
I Intend to keep the fast for month of Ramadan

سندھی بریانی

Recipes
سندھی بریانی

اجزاء:

چکن (12؍ٹکڑے) ایک کلو، ابلے چاول آدھا کلو، دہی ایک کپ،کٹے ٹماٹر 4؍عدد، تیل 3/4؍کپ، پسی ہری مرچ 6؍عدد، پسا ہوا دھنیا دو کھانے کے چمچے، ثابت گرم مصالحہ ایک کھانے کا چمچہ، پسا گرم مصالحہ ایک چائے کا چمچہ، ادرک و لہسن کا پیسٹ دو کھانے کے چمچے، پسی لال مرچ دو چائے کے چمچے، نمک دو چائے کے چمچے، نمک (چاولوں کیلئے) دو کھانے کے چمچے، ثابت ہری مرچ 8؍عدد، سوکھے آلو بخارے 10/12؍عدد، چھلے کٹے اور فرائی آلو آدھا کلو، تلی پیاز ایک کپ، کٹا ہوا دھنیا آدھا کپ، کیوڑا ایک کھانے کا چمچہ اور پیلا رنگ 1/4؍چائے کا چمچہ۔

ترکیب:

پہلے تیل گرم کرکے اس میں تلی پیاز لائٹ گولڈن کریں اور نکال کر الگ رکھ دیں۔ اب اس میں چکن کے ٹکڑے پسی ہری مرچ، پسا ہوا دھنیا، نمک، پسی لال مرچ اور کٹے ٹماٹر ڈال کر اچھی طرح فرائی کریں۔ پھر اس میں آدھا کپ پانی ڈال کر ڈھکیں اور چکن گلنے تک پکائیں۔ اب اس میں دہی اور فرائی کی ہوئی پیاز شامل کرکے اتنا پکائیں کہ مکسچر گاڑھا ہوجائے۔ پھر اس میں فرائی کئے ہوئے آلو، ثابت مرچ اور سوکھے آلو بخارے شامل کریں اس کے بعد نمک کے ساتھ چاول اور گرم مصالحہ ڈال کر تین کنی ابال لیں۔ اب ایک پین میں چاولوں کی ایک تہہ لگائیں اور اس پر چکن کا مسکچر، کٹا ہرا دھنیا ڈالیں پھر چاولوں کی دوسری تہہ لگا کر دو کھانے کے چمچے تیل یا گھی اوپر ڈالیں۔ اس کے بعد پیلا رنگ اور ایک کھانے کا چمچہ کیوڑا مکس کرکے اوپر ڈالیں اور 15؍منٹ کیلئے دم پر رکھ دیں۔