سیخ کباب ہانڈی مصالحہ-Seekh Kabab Handi Masala

کباب کے اجزاء:

قیمہ آدھا کلو، ادرک و لہسن ایک کھانے کا چمچہ، پسی لال مرچ ایک چائے کا چمچہ، گرم مصالحہ ایک چائے کا چمچہ، نمک ایک چائے کا چمچہ، کٹا ہوا دھنیا ایک چائے کا چمچہ، بھنا اور پسا زیرہ ایک چائے کا چمچہ، پھینٹا ہوا انڈا ایک عدد، بریڈ سلائس (بھیگے ہوئے) دو عدد۔

مصالحہ کے اجزاء:

 بڑی پیاز (پانی اور ہلدی میں ابلی) ایک عدد، ہلدی آدھا چائے کا چمچہ، نمک ایک چائے کا چمچہ، پسی لال مرچ ڈیڑھ چائے کا چمچہ، ادرک و لہسن ایک کھانے کا چمچہ، گرم مصالحہ ایک چائے کا چمچہ، تیل آدھا کپ، پھنٹی ہوئی دہی آدھا کپ، مکھن 4؍اونس، کوکونٹ ملک پائوڈر دو کھانے کے چمچے، چوپ کئے ہوئے ٹماٹر 3؍عدد، کٹی ہری مرچ دو عدد، ادرک جولین دو کھانے کے چمچے۔

ترکیب:

قیمے کو ادرک و لہسن کا پیسٹ، پسی لال مرچ، گرم مصالحہ، نمک، کٹا ہوا دھنیا، بھنا اور کٹا زیرہ پھینٹا ہوا انڈا اور دو بھیگے ہوئے بریڈ سلائسز سے میری نیٹ کرلیں اور اس کے سیخ کباب بنا لیں۔ مصالحہ بناتے کیلئے تیل اور مکھن کو ہانڈی میں گرم کریں، اب ابلے اور گرائنڈ کئے ہوئے مکسچر کو پانچ منٹ کیلئے فرائی کرلیں، اس میں چوپ کئے ہوئے ٹماٹر، نمک، پسی لال مرچ، ادرک و لہسن کا پیسٹ، گرم مصالحہ اور پھینٹی ہوئی دہی کو شامل کرکے اچھی طرح فرائی کریں پھر اس میں فرائی کئے ہوئے سیخ کباب ڈال کر ہلکی آنچ پر پکائیں۔ آخر میں کوکونٹ ملک پائوڈر، کٹی ہری مرچ اور ادرک جولین کو شامل کرکے پانچ منٹ کیلئے دم پر رکھ دیں پھر روغنی نان کے ساتھ سرو کریں۔