شاہی کباب-Shahi Kabab

اجزاء:۔ 

بکرے کا گوشت بون لیس 1/2کلو، دارچینی، انڈے 2عدد، درمیانی پیاز 2عدد، بڑی الائچی 2-3عدد، چھوٹی الائچی 2-3عدد، ہری مرچ 3-4عدد، ثابت سوکھی لال مرچ 5-6عدد، چنے کی دال 50گرام، بادام 50گرام، پستے 50گرام، ہرا دھنیا 1/4گٹھی، پودینہ 1/4گٹھی، تیل 1/4کپ، ادرک 1درمیانہ ٹکڑا، لہسن 3-4جوے، ہلدی 1چائے کا چمچہ، پسا گرم مصالحہ 1چائے کا چمچہ، سفید زیرہ 1کھانے کا چمچہ، لیموں کا رس 2کھانے کے چمچے، بیسن 3کھانے کے چمچے، پانی ایک سے ڈیڑھ کپ، نمک حسب ذائقہ۔

ترکیب:۔

 پہلے 1/2کلو بکرے کے گوشت کی چھوٹی بوٹیاں کاٹ لیں۔ پھر ایک کڑاہی میں گوشت 50گرام چنے کی دال، 1ٹکڑا دار چینی، 2-3عدد بڑی الائچی، 2-3عدد چھوٹی الائچی، 1درمیانہ ٹکڑا ادرک، 3-4جوے لہسن، 50گرام بادام، 50گرام پستے، 5-6عدد سوکھی لال مرچ، ہلکا سا نمک اور ایک سے ڈیڑھ کپ پانی شامل کریں اور 20سے 25منٹ تک ڈھک کر پکائیں۔ اس کے بعد ڈھکن ہٹا کر آنچ تیز کرکے پانی بہت اچھی طرح سے خشک کریں اور پلیٹ میں نکال کر تھوڑا سا ٹھنڈا کریں۔ پھر گوشت کو دال کے ساتھ چوپر میں ڈال کر اچھی طرح سے پیس لیں اور اس میں دو عدد باریک کٹی پیاز، 1/4گٹھی ہرا دھنیا، 1/4گٹھی پودینہ، اور 3-4عدد ہری مرچ شامل کرکے 1منٹ کے لئے دوبارہ پیس لیں، تاکہ سب چیزیں اچھی طرح سے مکس ہوجائیں۔ پھر اسے ایک پیالے میں نکالیں۔ اب اس میں 1کھانے کا چمچہ ثابت زیرہ، 1چائے کا چمچہ گرم مصالحہ پائوڈر، 1کھانے کا چمچہ ہلدی، 2کھانے کے چمچے بیسن، 2کھانے کے چمچے لیموں کا رس اور ہلکا سا نمک شامل کرکے اچھی طرح مکس کریں۔ پھر اس کے گول گول کباب بنائیں۔ اس کے بعد 2عدد انڈوں کو ایک الگ پیالی میں اچھی طرح سے پھینٹ لیں اور باقی بچا ہوا 1کھانے کا چمچہ بیسن ان میں شامل کرکے مزید بھینٹ لیں۔ آخر میں کبابوں کو اس پھینٹے ہوئے بیٹر میں ڈپ کریں اور پین میں گرم تیل میں فرائی کرلیں۔ مزے دار شاہی کباب تیار ہیں۔