وَبِصَوْمِ غَدٍ نَّوَيْتُ مِنْ شَهْرِ رَمَضَانَ.
I Intend to keep the fast for month of Ramadan

الٰہ آبادی کباب

Recipes
الٰہ آبادی کباب

اجزاء:۔

 ابلے چنے 1پائو، باریک کٹی درمیان پیاز 1عدد، انڈا آدھا، ابلے مٹر 1/2پیالی، باریک کٹی ہری مرچ 3-4عدد، تیل 1/4کپ، باریک کٹا لہسن 3-4جوے، ادرک 1درمیانہ ٹکڑا، پسا گرم مصالحہ 1چائے کا چمچہ، کٹی لال مرچ 1چائے کا چمچہ، لیموں کا رس 1کھانے کا چمچہ، ہلدی 1/2چائے کا چمچہ، بیسن 2کھانے کے چمچے، باریک کٹا ہوا دھنیا 2کھانے کے چمچے، نمک حسب ذائقہ۔

ترکیب:۔

 پہلے ایک کھانے کا چمچہ تیل پین میں ڈال کر اس میں 3-4عدد باریک کٹی ہری مرچ، 2کھانے کے چمچے باریک کٹا ہوا دھنیا، 1عدد باریک کٹی درمیانی پیاز، 1درمیانہ ٹکڑا ادرک، 3-4جوے باریک کٹا لہسن، حسب ذائقہ نمک، 1کھانے کا چمچہ لیموں کا رس، 1چائے کا چمچہ پسا گرم مصالحہ، 1چائے کا چمچہ کٹی لال مرچ اور 1/2چائے کا چمچہ ہلدی ڈال کر اچھی طرح سے فرائی کرلیں۔ جب تمام مصالحہ ایک جان ہوجائے تو چولہا بند کردیں۔ اب 1پائو ابلے چنے اور 1/2پیالی ابلے مٹر چوپر میں ڈال کر پیس لیں۔ ساتھ میں یہ فرائی کیا ہوا مصالحہ بھی شامل کردیں۔ پھر اس میں پھینٹا ہوا آدھا انڈا اور 2کھانے کے چمچے بیسن بھی شامل کرکے خوب اچھا سا پیسٹ تیار کرلیں۔ جب پیسٹ تیار ہوجائے تو اسے چوپر سے نکال کر چھوٹے چھوٹے بالز بنالیں۔ اس کے بعد پین میں 1/4کپ تیل گرم کرکے بالز کو ہاتھوں کی مدد سے تھوڑا سا چپٹا کرکے ہلکی آنچ پر دونوں طرف سے گولڈن ہونے تک فرائی کریں اور تیار ہونے پر نکال کر سرو کریں۔