اللہ تعالیٰ کی رحمت خاصہ کا مہینہ

ارشاداتِ نبوی صلی اللہ علیہ وسلم

حضرت عبادہ بن صامت رضی اللہ عنہ کا بیان ہے کہ جناب رسول اللہ صلی اللہ علیہ وسلم نے ماہ رمضان کے قریب آنے پر ارشاد فرمایا: رمضان کا بابرکت مہینہ آگیا ہے۔ اللہ رب العزت اس ماہ مبارک میں تمہاری طرف خصوصی طور پر متوجہ ہوجاتے ہیں اور اپنی رحمت خاصہ نازل فرماتے ہیں، خطاؤں کو معاف فرماتے ہیں، دعاؤں کو قبول فرماتے ہیں۔ تمہارے ایک دوسرے سے نیکیوں میں آگے بڑھنے اور سبقت کرنے کو دیکھتے ہیں اور ملائکہ کے سامنے فخر کرتے ہیں۔ پس تم لوگ اللہ تعالیٰ کو اپنی نیکیاں دکھلاؤ۔ بدنصیب ہے وہ شخص جو اس ماہ مبارک میں بھی اللہ تعالیٰ کی رحمت سے محروم رہ جائے۔ (طبرانی، الترغیب والترہیب)